Mannalon, nakemmeg iti buy-bust operation idiay Narvacan

Nakemmeg ti maysa a mannalon iti buy-bust operation idiay Narvacan, Ilocos Sur.

Ti suspek ket agtawen iti uppat a pulo ket maysa, Street Level Individual, naasawaan nga agnaed iti nasao nga ili.

Naala manipod ti suspek ti drug evidence a 0.7 a gramo iti mapapati a shabu nga aggatad ti P4,760 a naipan iti tallo a heat-sealed transparent plastic sachet a nagserbi a buy-bust item ken possession.

Dagiti non-drug evidence ket maysa a piraso iti P1,000; lighter; black coin purse; P172; pocket knife ken cellphone.