--Ads--
Maysa a mannalon manipud iti Barangay Capangdanan, Bantay, Ilocos Sur ti agar-arungaing gapu iti nalaka a presio ita ti irik.
Iti pannaki-uman ti Bombo Radyo Vigan ken ni Quintin Del Castillo, dakkel a banag a pakalugianda no nalaka unay ti presio ti irik ngem nangina ti gastosenda iti panandan ken pagpakan kadagiti agraep nga iti kada aldaw ket umab-abot iti P600 ti tunggal maysa.
Maysa pay kadagiti dinakamatna a parikutda nga agtaltalon ket ti bisikol ken ruot a mangdadael iti mulada.
Iti agdama, planoda nga urnongen pay laeng dagiti irik ta yurayda a ngumina ti presiona.
-- ADVERTISEMENT --
Namnamaenna a maisubli koma ti dati idi a presio a P30 ti wet palay idinto a P25 ti dry palay tapno makaabrutda bassit iti gastosda.
