Nangipila iti motion to appeal ti defense team ni dati a Presidente Rodrigo Duterte tapno yapela ti decision ti ICC Pre-Trial Chamber a mangkumkumpirma kadagiti kaso kontra iti dati a presidente.
Gagem ti addang a malapdan ti panagtuloy ti kaso a crimes against humanity nga agturong iti trial.
Kangrunaan a naipila ti “Request for Leave to Appeal the Decision on the Confirmation of Charges”.
Maibasar iti dokumento a pinermaan ti abogado ni Duterte a ni Nicholas Kaufman, ti nasapa a resolusyon manipud iti Appeals Chamber ket kasapulan tapno maliklikan ti panagdur-as ti kaso a maibilang a kurang wenno adda depektona.
Impaganetget ti kampo ti dati a presidente a ti napaspas a pannakibiang ti Appeals Chamber ket isu ti mangsigurado a ti kaso ket dumalan iti maysa a naurnos a factual ken evidentiary framework.
Makatuloy ti addang a makasagana a nasayaat ti depensa ken maliklikan ti atiddug a litigation iti masangwanan.
