Naituding nga isayangkat ti International Criminal Court Trial Chamber III iti umuna nga status conference mainaig iti kaso kontra ken ni dati a Presidente Rodrigo Duterte inton Mayo 27.
Gagem ti taripnong a masimpa dagiti napateg a detalye sakbay a marugian ti trial.
Iti dokumento a napetsaan iti Abril 30, binilin ti Trial Chamber III ti prosekusyon, depensa, ken dadduma pay a kasali a mangipasa iti bukodda a komento agingga Mayo 15.
Mapagpapatangan pay ti posible a petsa ti trial, kaadu ti ebidensia ken testigo, lenguahe a maaramat iti korte, disclosure dagiti dokumento, ken dagiti addang para iti proteksyon dagiti witness.
Maipalagip a kinumpirmaran ti ICC Pre-Trial Chamber 1 idi Abril 23 dagiti 3 a bilang ti crimes against humanity kontra ken ni Duterte mainaig iti war on drugs.
