--Ads--
Nakalukat ti Malakanyang ti gakat nga idurduron ni House Majority Leader Sandro Marcos a mangted ti libre a kuryente kadagiti pamilia a nababa ti konsumo.
Segun ken ni Palace Press Officer USec. Claire Castro, agdama nga ipatpatungpal ti administrasion ti libre a kuryente para kadagiti benepisyaryo ti 4Ps a saan a lumbes ti 50-kilowatt hour ti konsumo.
Impasigurado ni Castro a maadal pay ti probision ti gakat tapno maammuan ti agbalin nga epekto na pakairamanan no sino ti agbayad no kas bilang maipatungpal.
Pinasingkedan ti opisial a posible a makatulong ti gakat kadagiti pagtaengan a bassit ti konsumo ti kuryente ken ma-allukoy ti naannad a panagusar ti elektrisidad.
-- ADVERTISEMENT --
