Umili a karaman iti “near-poor”, naisingasing a mairaman iti tulong-pinansial

Insingasing ni Senador Sherwin Gatchalian iti gobierno nga iraman kadagiti maipaayan iti tulong-pinansial dagiti karaman iti ‘near-poor’.

Segun ken ni Gatchalian, malaksid kadagiti marigrigat ket maap-apektaran met iti inflation gapu iti panagpangina ti presio ti produkto-petrolyo dagiti near-poor household.

Idurduron ti seandor a mapalawa ti financial aid malaksid kadagiti benepisyaryo ti Pantawid Pamilyang Pilipino Program (4Ps).

Kiniddaw ni Gatchalian a maipaayan iti P2,500 a tulong-pinansial ti 1.32 million a near-poor families ken agkasapulan ti gobierno iti nayon a P9.9 billion a pondo.

Patienna a napateg a masalwadan dagiti umili ken masigurado a dagiti marigrigat ket saan nga ad-adda nga agrigat.