Nagpanawagan ni Sen. Franics “Kiko” Pangilinan idiay Malakanyang a mangiruar ti executive order (EO) tapno makaikeddeng ti floor price wenno kalakaan a presyo iti panaggatang iti irik.
Gagem a mapagtalinaed iti patas a sapul dagiti mannalon iti baet ti panagbaba ti farmgate prices.
Segun ken ni Pangilinan, rumbeng a maipatungpal dayta kagiddan iti pannakaimplementar iti Sagip Saka Act (Republic Act No. 11321) tapno masigurado a saan a malugi dagiti mannalon.
Nu ti irik ket magatgatang laeng iti P8 agingga P10 kada kilo idinto a ti production cost ket P14 agingga P15, ket kurang iti dadduma nga ayuda tapno supusupan iti lugida.
Impaganetget ni Pangilinan a saan a kasapulan dagiti mannalon iti abuloy nu dikedti rumbeng a maipaayanda iti patas a presyo iti sakripisyoda.
