Malakanyang, kimmablaaw ken ni FPRRD nga agkasangay ita nga aldaw

‘Good health, good fortune’.

Dayta man ti birthday wish ti Malakanyang ken ni dati a Presidente Rodrigo Duterte a mangrambak iti 80^th birthday-na ita nga aldaw, March 28, 2025.

Iti press briefing ti Malakanyang, nagkanta apagbiit ni Presidential Communications Office Usec ken Palace Press Officer Claire Castro iti ‘Happy Birthday’ para iti dati a presidente.

Segun ken ni Castro, nasken laeng a kablaawanda met iti naragsak a panagkasangay ni Duterte ket idawdawatda iti ad-adu pay a tawen ti panagkasangayna.

Adda met dagiti supporter ti dati a presidente a nag-rally kadagiti nadumaduma a paset ti pagilian tapnon rambakan ti panagkasangayna.