Awan ti parikut iti nagbaetan da Presidente Ferdinand Marcos Jr ken ti kabsatna a ni Senador Imee Marcos, kasaruno ti panagikkat ti senador iti senatorial ticket ti administrasyon.
Nasaludsod ni Palace Press Officer Usec Atty. Claire Castro mainaig kadagiti agkabsat, kalpasan nga inwaragawag ti reelectionist senator nga agikkaten manipud iti Alyansa Para sa Bagong Pilipinas ken ti addangna a mangimbestigar iti pannakakemmeg ni dati a Presidente Rodrigo Duterte.
Segun ken ni Castro, saanda a maibaga nga adda saan a pagkinnaawatan dagiti agkabsat, isu a nasaysayaat laengen no urayen ti ibaga ti presidente ngem iti galadna ket saan met a masuron.
Kabayatanna, respetaren met ni Navotas City Rep Toby Tiangco, campaign manager ti Alyansa Para sa Bagong Pilipinas ti desisyon ti senador.
