Inamin ni Office of the Vice President (OVP) Assistant Chief of Staff Lemuel Ortonio iti Senate Impeachment Court nga awan iti resibo dagiti naikkan ti confidential funds ken saandan nga inammo pay no nakaaramatan ti pondo.
Iti direct examination ni Atty. Mae Divinagracia iti prosecution team, kinuna ni Ortonio a saan a nangisayangkat ti actual procurement ti OVP.
Nagdepende ti OVP kadagiti field operatives ken informants iti panaggatang ti medical ken food supplies para iti panangisayangkat ti confidential activities.
Kwinestyon ni Presiding Officer Chiz Escudero ni Ortonio no naited a direkta kadagiti recipient ti confidential funds ken binaybay-anna laengen dagitoy iti naibaga a maigatang iti taraon wenno agas ti naited a confidential funds.
Kinumpirmaran ni Ortonio a dayta iti napasamak ken dayta iti impormasion a naited kadakuada ti security officer-da.
