Pinasingkedan ni Akbayan Partylist Rep. Chel Diokno a maysa ni Ramil Madriaga iti napateg a testigo iti imbestigasion ti Kamara kontra ken ni Bise Presidente Sara Duterte.
Segun ken ni Diokno, masapul a personal a madengngeg ti House Committee on Justice ni testimonia ni Madriaga tapno mapaneknekan ti nakaipalaon iti affidavit na mainaig iti maipagarup a madi a panagaramat ti confidential funds iti Office of the Vice President ken Department of Education.
Ni Madriaga ti maitudtudo a dati a “bagman” nga agdama a nakabalud idiay Taguig gapu iti kaso a kidnapping ken manamnama a sumango iti komite inton Abril 14.
Innayon pay ti agpampanday linteg a ti testimonia ni Madriaga ket mangpatibker iti reklamo wenno mangitunda iti pannaka-ibasura ti kaso.
