Pinatawan ti Land Transportation Office (LTO) ti 90-day prevention suspension ti lisensya ti maysa a motor rider a nag-viral iti social media gapu iti panagsalana iti rabaw ti motorsiklo bayat nga adda iti traffic.
Segun ken ni LTO Chief Assistant Secretary Atty. Vigor Mendoza II, nangiruarda ti show cause order kontra iti driver ken iti registered owner ti motorsiklo tapno agpalawagda nu apay a rumbeng a saanda a madusa iti nasao nga insidente.
Makita ti rider a residente idiay Binondo, Manila a nakatakder ken kasla agsalsala iti rabaw ti motorsiklona bayat a nakasardeng iti traffic.
Napasamak iti insidente iti tengnga iti kalsada ken nakita dagiti dadduma a motorista.
Intuding ti LTO Intelligence and Investigation Division, Chief Renante Melitante iti panagdengeg inton August 20.
Ipapasuko ni Melitante iti driver’s license iti nasao a rider sakbay iti nasao a petsa.
