Pinasingkedan ti Commission on Elections (COMELEC) a nagwithdraw ti St. Timothy Construction Corporation manipod Miru Joint Venture nga election technology provider kagiddan dagiti pakaammo a maysa kadagiti owner iti tumaray inton 2025 elections.
Segun ken ni Comelec chairperson George Garcia, insigida nga indanon ti Commission en banc ti nasao a banag ta saanda nga ipalubos a makwestyunaran ti integridad iti election ta maysa kadagiti akin-kukua iti contracting partners ket agpaidasig inton 2025 elections.
Innayonna a dua iti nagpilianda, umuna ket masapul nga agwithdraw ti partikular a partner idinto a ti maikadua ket masapul nga ipilitda nga idisqualidy ti kandidato paraiti nadalus ken pudno nga eleksyon.
Impanamnama ni Garcia a maidanon ti law department iti poll body iti sumaruno nga addang a maiayangkat.
