Pormal a pinermaan ti Association of Southeast Asian Nations (ASEAN) ti lima a tawen a successor tourism blueprint tapno papigsaen ti regional cooperation ken transformation kalpasan ti pandemya.
Nairusat idiay Cebu ti ASEAN Sectoral Plan (ATSP) 2026-2030 kasukat ti ATSP 2016-2025, a ti Pilipinas ti Lead Country Coordinator iti panangbukel ti plano.
Segun ken ni Tourism Secretary Christina Garcia Frasco, ti plano ket agbalin a framework para iti sustainable tourism development ti rehiyon manipud 2026 agingga 2030.
Nakaipalaon dituy ti lima a kangrunaan nga aspeto a pakairamanan ti resilient tourism, empowerment ti tourism workforce, accessible travel, digital tourism, diversification ti produkto, ken sustainable tourism.
Dinakamat ni Frasco a ti plano ket gagemna nga aramiden a maysa a unified tourism destination ti ASEAN ken aramiden a nadardaras ti panag-access ti rehiyon babaen iti air ken sea travel.
