VIGAN CITY- Lima ribo a pisos iti muwelta ti driver ken pahinante ti truck a nakailuganan dagiti 350 a kalding a naggapu idiay Negros Occidental a kinumpiskar ti provincial quarantine office ti Ilocos Sur ta linibasan da iti quarantine checkpoint idiay Barangay Bio, Tagudin.
Uray nu agmuwelta ti driver ken pahinante ket maibati dagiti ginasut kalding ta taraknen iti provincial quarantine office kas dusa da iti panaglabsing iti provincial ordinance.
Immuna iti dayta ket inbaga ni provincial quarantine officer Martel Quitoriano a saan a sinardengan iti driver ken dagiti pahinante iti truck ti checkpoint isu a kinamat da ket idi nakamakam da, nakita dan dagiti kalding iti uneg a mapatta-patta nga aggatad iti nasurok a maysa a milyon a pisos gapu ta naglaok ti native ken graded wennu ti kalding nga adda laok na a sabali a breed.
Naamuan a maipan kuma idiay Candon City dagiti kalding nu saan a kinumpiskar ti quarantine office ti Ilocos Sur.
