Libre nga on-site living facilities para kadagiti public school teacher, naipila iti Senado

Idurduron ni Senador Mark Villar ti gakat a ‘Teachers Home in School Act’ a ti gagemna ket ipaayan iti libre nga on-site a pagyanan dagiti mangisursuro kadagiti pampubliko a pagadalan.

Gagem ti gakat a matulongan dagiti mangisursuro nangruna dagiti adayo kadagiti pagadalan a pagisursurwanda.

Segun ken ni Vilar, ti gakat ket tapno maited ti natalged ken disente a pagyanan dagiti mangisursuro bayat ti panangakemda iti trabahoda.

Patien ti senador nga adu kadagiti mangisursuro ti adayo iti ilida, adayo iti pamilia, ken masansan pay nga agabang tapno naas-asidegda kadagiti pagadalan ken kadagiti estudiante.