Isingsingasing ni Senador Erwin Tulfo ti gakat a gagem na nga aramiden a libre dagiti kangrunaan a professional licensure examinations para kadagiti kwalipikado a marigrigat a Pilipino.
Daytoy ket paset iti addang tapno mapalawa ti access iti propesyonal a trabaho ken maliklikan ti underemployment.
Iti salinong ti Senate Bill No. 2035 wenno ti Free Professional Examinations Act,” saan a masingir ti examination fees dagiti kwalipikado nga indigent examinees para kadagiti board, civil service, ken bar examinations, kas panangsurot iti pagannurotan ti maseknan nga ahensia.
Segun ken ni Tulfo, adu dagiti Pilipino a nagleppas iti panagadal ngem saan da a maituloy ti panagala ti lisensya gapu iti kinakurang ti pagbayad ti examination fees, isu a mapilitan da a sumrek nga insigida ti trabaho.
Karaman iti gakat ti Professional Regulation Commission (PRC) Board Examinations, Civil Service Commission (CSC) Eligibility Examinations, ken Bar Examinations, nga imatmatonan ti Korte Suprema.
