Inallukoy ni House Deputy Majority Leader at Camarines Sur Rep. Luigi Villafuerte ang Department of Education (DepEd) a padarasen ti panagala ti 10, 000 school counselor associates tapno itandudo ti mental health dagiti estudyante iti elementarya ken high school.
Dinayaw ni Villafuerte ni President Ferdinand Marcos Jr. iti panangiraman na ti patangan iti maikalima nga State of Nation Address na iti baet ti panagngato ti kinaranggas ken bullying kadagiti pagadalan.
Pinasingkedan Villafuerte a mabalin a padarasen ti DepEd ti panagala ti SCA kalpasan nga impakaammo ni Education Secretary Sonny Angara ti panagaramid ti Civil Service Commission dagiti baro a posision kas panangsurot iti Basic Education Mental Health and Well-Being Promotion Act (Republic Act 12080).
Kalpasan nga aprubaran ti CSC ti qualification standards para kadagiti posision ti SCA ken school division counselors, impaganetget ni Angara a mabalin a mangaramid ti Department of Budget and Management ti 10, 000 a posision a madutokan kadagiti pampubliko a pagadalan ita a tawen.
