Leila de Lima, nagyaman ken ni Anne Curtis iti tibkerna mangilaban kadagiti babbai

Nagyaman ni Mamamayang Liberal party-list Rep. Leila de Lima ken ni Anne Curtis iti panagtakderna ken panangpapigsa iti laban dagiti babbai kalpasan a nagsarita ti aktres maipanggep ti kontrobersyal a sarita ni Quezon City Rep. Bong Suntay.

Inawagan ni Anne a vulgar, sexualized analogy iti nasao a sarita ken saanna nga inawat ti non-apology ti agpampanday linteg.

Segun ken ni de Lima, saan a rumbeng a normal ti “joke lang” wenno “kasta a talaga” no mabasbastosen ti babai ta saan a rebbeng a mausar iti pakpakatawa kas excuse tapno ibaba dagiti babbai ken ikalintegan iti misogyny ken sexism.

Innayonna a masapul a ti respeto kadagiti babbai ket standard ket saan a rumbeng nga ilablaban.