Saanen a paayaban ti House Committee on Justice ti nagpayam-ammo a bagman ni Vice Pres. Sara Duterte a ni Ramil Madriaga ta no maipanggep ti kredibilidad ti testigo ket trabahon ti impeachment court dayta.
Dayta iti impakaamo ni House Committee on Good Government and Public Accountability chairman ken Manila Rep. Joel Chua isu a ti sumaruno a public appearance0na ket no bilang maingaton iti Senado ti impeachment case kontra iti bise presidente para ti proceedings.
Inlawlawag ni Chua nga isu a pinaayaban ti komite ni Madriaga ket gapu iti mosyon ni Mamamayang Liberal party-list Rep. Leila de Lima ta nairaman iti impeachment complaint nga inendorsona ti affidavit ti dati a mapapati a bagman ni Duterte gapu iti isyu ti confidential funds.
Gagem ti komite a sapataan ni Madriaga a personal iti sangwanan ti komite ti affidavit-na ta saan a mayaleng-aleng dayta a posible a paglibakan dagiti alegasyonna iti panagdenggeg iti Senate impeachment.
