Asidegen a malpas ti House prosecution panel iti presentasion dagiti ebidensia iti salinong ti Article 1 ti impeachment case kontra ken Vice President Sara Duterte mainaig ti maipagarup a madi a panagaramat ti confidential funds.
Daytoy ti pinasingkedan ni House prosecutor at Manila Rep. Joel Chua kalpasan nga impasango ti prosecution panel da Col. Manaros Boransing II ken Col. Magtangol Panopio iti Senate impeachment court.
Segun ken ni Chua, natrataren ti prosecution dagiti kangrunaan a punto nga adda pakainaiganna iti Youth Leadership Summit ken dagiti military certification.
Pinasingkedan da Boransing ken Panopio a nag-isyu da dagiti certification iti Department of Education (DepEd) para iti pannakipaset da iti Youth Leadership Summit.
Nupay kasta, pinaglibakan da a saan da a nakaawat ti aniaman a pondo manipud iti DepEd para iti panagisayangkat dagiti youth event.
