Maysa a lalaki ti nakemmeg idiay Barangay Bungro, Magsingal gapu iti panagikotna ti paltog.
Nabigbig ti suspek a ni John Mark Sabaten Ronquillo, agtawen iti duapulo ket pito, agnaed iti nasao a lugar.
Iti pannaki-uman ti Bombo Radyo Vigan ken ni Police Captain Melvin Trinidad, adda dimmanon kadakuada a report nga agik-ikot ti suspek iti iligal a paltog isu a vinalidate-da ket naisayangkat ti operasyon a nagresulta iti pannakakumpiskar dagiti igam.
Bayat iti operasyon, paglibakan ti suspek a kukuana dagiti nakumpiskar a maysa a caliber 38 revolver nga adda tallo a balana ken duapulo ket walo a caliber 45 ammunition ken ammunition tray.
Nakakustodian ti suspek pakairamanan dagiti nakumpiskar nga ebidensya iti Magsingal Police Station para iti proper documentation.
