VIGAN CITY- Kaso a panaglabsing iti Republic Act 10591 wenno iligal a panagikot ti armas ti sanguen ni Rey Menor, agtawen ti lima pulo ,naasawaan ,mekaniko ken taga Barangay Barbarit, Magsingal a napaltugan ti mabagbagi na babaen iti paltog a nakasalikag kenkuana, alas onse y media ti rabii idi Disyembre uno.
Segun kenni Police Inspector Christopher Bueno, hepe ti Magsingal municipal station, homemade ti paltog a pimmutok isu a saan a malisensyaan a rason no apay a makasuan ti biktima.
Maibasar iti report ket agbuybuya ti telebisyon ti biktima kadwa na ni Fernando Teodoro ngem rimuar ta immisbo idi pimmutok ti paltog isu a naitaray idiay Metro Vigan Cooperative Hospital ngem naiyakar idiay Ilocos Sur Provincial Hospital- Gabriela Silang para iti pannakataming na.
