--Ads--
VIGAN CITY – Nagsagaba ti minor injury ni Juanito Vitales, agtawen ti uppat a pulo ket lima, naasawaan, foreman nga agnaed idiay Brgy. Poblacion Sur, Sta. Maria ta natinnag ti tricycle a minanehona iti kanal idiay Brgy. Cabaroan, Sta. Maria.
Maibasar iti inisyal nga imbestigasyon, agpapaabagatan a direksyon ti traysikel idin naawanan ti kontrol ti manibelana ket naideretso iti kanal nga adda kaunegna a dua agingga tallo a metro a gappuanan iti pannakadunorna.
Naipan iti Sto. Nino, Hospital, Sta. Maria ti biktima ngem naiyakar iti Ilocos Sur District Hospital Narvacan para iti naan-anay a pannakatamingna.
Kabayatanna, naamwan a positibo a nakainom ti arak ni Vitales idi napasamak iti insidente.
-- ADVERTISEMENT --
