Pinasingkedan ti mangidaulo iti Philippine National Police a makaawat iti kompensasyon ti lalaki nga agtawen iti walopulo ket maysa a naibalud gapu iti mistaken identity.
Segun ken ni PNP Chief Police General Nicolas Torre III, depende iti gatad ti kompensasyon iti desisyon ti korte ken amuenda pay ti detalye iti pannakakemmegna.
Kinondenar met ti National Union of Peoples’ Lawyers ti pannakakemmeg ken pannakaibalud iti innem a bulan ni Prudencio “Tatay Pruding” Calubid Jr.
P7.8 milion ti reward iti pannakakemmeg ti pudno a Prudenco Calubid.
Iti 67 a panid a desisyon, pinasingkedan ti Court of Appeals a saan a naipatungpal ti kapulisan ti nainget nga imbestigasyon no ti kinemmegda ket pudpudno a Calubid a naipanagan kadagiti criminal information ken arrest warrant.
