Dead on the spot ti maysa a lalaki gapu iti adu a tamana iti bala ti paltog idiay Sinabaan, Sta. Catalina, Ilocos Sur idi kalman, December 11, 2025.
Ti biktima ket nakasuot iti maong pants, saan a nakabado (t-shirt), mapatta-patta a 5’6′ ti katayagna, naka-tsinelas iti nangisit, ken adda tattoo (rupa iti babai) iti bagina.
Narekubre dagiti pannakabagi ti linteg iti sangapulo ket siam a piraso ti cal. 5.56 fired cartridge, sangapulo a piraso iti cal. 45 fired cartridge, ken maysa a deform fired bullet.
Naala manipod iti biktima iti sangaribo a pisos, maysa a magazine a naglaon iti lima a cal. 45 live ammunitions, maysa a heat sealed transparent plastic sachet a naglaon iti mapapati a shabu, maysa a broken glass tooter, maysa a light brown body bag a naglaon iti cellphone, maysa a unit iti cal. 45 nga adda markingsna nga “Armscor” ken naka-load iti siam a cal. 45 live ammunitions, small transparent plastic sachet a naglaon iti mapapati a shabu, ken maysa a greem small pouch nga adda plastic box-na a naglaon iti mapapati a shabu.
Kasta pay nga adda dagiti narekubre iti uneg iti SUV a pakairamanan iti maysa nga orange pouch a naglaon iti weighing scale, metal case a naglaon iti BDO card, uppat a transparent plastic sachet a naglaon iti mapapati a shabu ken tallopulo ket pito a 5.56mm live ammunition; maysa pay a green case a naglaon iti uppat a heatsealed transparent plastic sachet a naglaon iti mapapati a shabu, blue straw ken maysa a bassit a getteng; maysa a unit iti Tanfoglio nga adda naka-load a magazine karamanen iti sangapulo ket innem a live ammunition ken chamber a nai-load; ken OR/CR iti lugan.
Iti met narekubre manipod iti bull cap a naglaon a nakaparabaw iti lamissan ket ti maysa a glass tooter, P750, sangapulo ket innem a barya, ken bassit a black pouch a naglaon iti maysa a heat-sealed transparent plastic sachet a naglaon iti mapapati a shabu, empty plastic sachets, tulbel iti lugan, P10,000, ken duapulo a barya.
Agtultuloy iti imbestigasyon dagiti pannakabagi ti linteg tapno mammoan iti kinatao ti biktima ken uray dagiti suspek para iti pannakakemmegda.
