VIGAN CITY – Kaso a panaglabsing ti Republic Act 10591 wenno Comprehensive Firearms and Ammunition Regulations Act ti sangwen ni Roel Supnet, agtawen ti uppat a pulo ket maysa, mannalon ken agnaed idiay Brgy. Dasay, Narvacan gapu iti panagpaputok na iti paltog idiay Brgy. Butir, Sta. Maria.
Kabayatan iti panagpatrolya dagiti otoridad, nakangngeg da iti agsasaruno a putok iti paltog isu a nagresponde da a kas pinasingkedan ni Police Staff Sergeant Leody Ortiz.
Idi makadanun dagiti otoridad iti nagbudaan nga isu iti ayan ti mapapati a nagpaputok iti paltog, nakita da ti nabartek a ni Supnet a nakaiggem iti paltog nga awan ti lisensyana.
Boluntaryo nga insuko ti suspek iti paltog na ket inkalinteganna a ti panagpaputokna ket nakairwamanda nga aramiden no adda iti pasken.
