--Ads--
Dead on arrival ti maysa a nagmaneho iti motorsiklo gapu iti aksidente iti national highway ti Barangay Sta. Monica, Magsingal, Ilocos Sur.
Ti natay a drayber ket agtawen iti duapulo ket pito, taga-Barangay Cabaroan, Magsingal, minanehona ti red Bajaj Rouser 135 motorcycle.
Iti pannaki-uman ti Bombo Radyo Vigan ken ni PLT. William Costales, agpapa-amianan ti motorsiklo ket idi nadanon ti nakapasamakan ti insidente, saan a nakontrol ti drayber ti manibela ti lugan ket naidungpar iti alad a pader.
Mapapati a nagdungsa ti drayber idi maaksidente ken daytoy ken nakainom.
-- ADVERTISEMENT --
Nagsagaba iti dunor ti drayber a naitaray iti ospital ngem saanen a nakalasat.
