VIGAN CITY – Dead on arrival ti maysa a lalaki gapu iti panangbagkong ti senior citizen iti Sitio Kimbuaya, Suyo Proper, Suyo, Ilocos Sur.
Nabigbig ti biktima a ni Danny Secretaryo Bugtong, agtawen iti tallopulo ket innem, construction worker, taga-Sitio Longboy, Barangay Suyo Proper, Suyo.
Ti met suspek ket ni Joseph Agapito Hidalgo, agtawen iti pitopulo, mannalon, taga-Barangay Kimbuaya, Suyo Proper, Suyo.
Segun ken ni Police Captain Godofredo Ribuyaco manipud Suyo Police Station, agiinom ti biktima ken suspek ken dagiti katrabahoanna idin ta nagawid ti suspek ket nakitana ti putotna nga adda bukol iti ulona.
Ket idi sinaludsodna ti putotna, insungbatna a dinanug daytoy dagiti kinainuman ti suspek.
Nagsubli ti suspek ket nasabatna ti biktima nga isu ti gundaway a panangbagkongna iti akin-kannigid a paset ti barukongna.
Naglibas ti suspek nga imetna ti patadem nga inusarna iti pammagkong.
Naitaray iti Ilocos Sur District Hospital, Bio, Tagudin ngem saanen a nakalasat.
Naisayangkat met ti hot pursuit operation a nakakemmegan ti suspek ken nakakumpiskaran ti kutsilyo a 13 inches karaman ti apputanna.
