VIGAN CITY – Kaso a Frustrated Homicide iti naipila kontra kenni Eduardo Tagura, agtawen ti limapulo ket maysa, naasawaan, awanan ti trabaho nga agnaed idiay Sitio Sagsagat, Brgy. San Sebastian, San Vicente gapu ti panangbagkongna ken ni Dennis Rey Villegas, agtawen ti tallopulo, naasawaan, construction worker nga agnaed met laeng iti nasao a lugar.
Maibasar iti inisyal nga imbestigasyon dagiti pannakabagiti linteg, adda iti sanguanan iti pagtaenganda ni Villegas kaduana ti gayyem na a ni Renald Lester Pando idi limmabas ni Tagura ket nagsubli ta mapapati nga adda iti nanggegna sinarita ni Villegas isu a prinubukarna ken binagkongna iti kannawan a takyag ti biktima.
Gapu iti dayta ket nagsagaba iti dunor ti biktima isu nga insigida a naipan iti RHU San Vicente para iti pannakatamingna ngem naiyakar iti Ilocos Sur Provincial Hospital-Gabriela Silang idinto a ti suspek ket kinemmeg dagiti pannakabagi ti linteg.
Iti agdama ket natalgeden ti kasasaad ti biktima ta nakaruaren ti ospital idinto a ti suspek ket addan ti kustodiya dagiti pannakabagi ti linteg.
