Nasalamaan iti L300 van a nagkarga iti 260kgs a dressed chicken nga aggatad iti P28,600 bayat ti panagdalyasat ti lugan iti national highway idiay Barangay Bio, Tagudin, Ilocos Sur.
Dagiti naglabsing ket ti nagmaneho ti Mitsubishi L-300 van ket ni Rogelio Mempin Alquiroz, agtawen iti limapulo ket dua, naasawaan, addaan ti driver’s license nga agnaed idiay Barangay San Juan Accfa, Cabanatuan City, Nueva Ecija; kaduana dagiti helper-na a da Manuel Duenas Heroleo, agtawen iti limapulo ket uppat, naasawaan nga agnaed idiay Barangay San San Juan Accfa, Cabanatuan City, Nueva Ecija; Roy Fabreag Fabellon, agtawen iti limapulo ket dua nga agnaed idiay Barangay Pinagtungulan, San Jose, Batangas; ken Jhonel Olandria Latorellia, agtawen iti limapulo ket dua, naasawaan nga agnaed idiay San Juan Accfa, Cabanatuan City, Nueva Ecija.
Nasalaamaan dagiti kameng ti Tagudin Animal Quarantine ti puraw nga L-300 van nga adda kargana a 260 a kilos iti manok nga aggatad iti P28,600.
Linabsing dagiti uppat iti Provincial Ordinance No. 15-06 series of 2015, section 4 paragraph b gapu ta awan ti shipping permitda, paragraph j gapu ta napaayda a dimmalan iti inspeksyon, ken paragraph h ta saanda nga accredited transport carrier.
Dagiti uppat a lallaki ken uray ti kargada ket naipan iti kustodiya iti Tagudin Municipal Police Station para iti documentation ken proper disposition.
