--Ads--
Kiniddaw ti Kingdom of Jesus Christ iti Korte idiay Davao a mangiruar ti show-cause order kontra kada Department of the Interior and Local Government Secretary Benhur Abalos ken Philippine National Police Chief Gen. Rommel Marbil.
Impila ti legal team ti religious group iti manifesto nga adda nayon a mosyon tapno pagpalawagen dagiti respondent nu apay a saanda a mapatawan ti contempt iti Davao City Regional Trial Court Branch 15.
Kasaruno dayta iti panagtalinaed latta dagiti polis iti compound iti KOJC iti laksid ti nairuar a Temporary Protection Order iti Korte a pabor iti religious group.
Imbilin ti Davao court iti PNP nga isardeng dagiti addang a posible nga agresulta ti peggad iti kinatalged ken seguridad dagiti miembro ti KOJC.
-- ADVERTISEMENT --
