Na-promote a kaunaan a piloto ti Philippine Coast Guard (PCG) iti sumaruno a nangato a ranggo ti commodore a rekomendasyon ni Department of Transportation (DOTr) Secretary Vince Dizon.
Segun ti PCG, inaprubaran ni Marcos ti promosyon ni Commodore Christine Pauline Bergano-Diciano idi May 14.
Ni Bergano-Diciano a miembro ti Coast Guard Officer Course “A” Matatag Class 02-2011 ket karaman iti umuna a batch iti homegrown PCG female officers.
Taga-Bacolod City ken isu ti kaunaan a babai a piloto a PCG idi 2005 ken intultuloyna iti maysa nga inaugural flight mission idi 2006.
Isuna pay iti nagakem a Coast Guard aviation force commander idi 2022 malaksid iti panagbalinna nga umuna ken kakaisuna a babai a PCG air station commander iti salinong ti West Philippine Sea Oplan Matatag idi 2010.
Impaganetgetna ti kinapateg ti panangipaay ti dedikasyon ken passion iti trabaho iti maysa a tao tapno magun-od iti balligi ken kinaragsak.
