Pinagkedkedan ni Atty. Nicholas Kaufman iti International Criminal Court dagiti pammabalaw kontra kenkuana mainaig iti panaglabsing iti ethical standards ti korte.
Impaganetget ni Kaufman nga awan ti linabsing na nga ethical obligations iti ICC.
Segun kenkuana, dagiti kritisismo ni ICC Presiding Judge Joanna Korner ket saanna a kayat a sawen a panaglabsing ngem paset laeng ti maawagan a judicial sensitivity.
Immunan a pinasingkedan ni Judge Korner a ti trial ken ni Duterte ket saan a masapul a mang-decision iti “court of public opinion.”
Inawagan na pay nga “inappropriate dagiti immuna nga statement ni Kaufman iti media.
Nupay kasta, inlawlawag ni Kaufman nga amin a nagbalin a tignay na ket nainget a nakabasar iti ICC code of conduct ken awan ti linabsing na a pagannurotan ti korte.
