--Ads--
Awan kasiguradwanna no marisut ti saan a pagkikinnaawatan iti West Philippine Sea, segun ken ni Presidente Ferdinand Marcos Jr.
Iti panagsapatana iti Forbes Global CEO Conference idiay Singapore, kinuna ti Presidente nga iti agdama, kasapulan a mataming ti tension tapno maliklikan ti panagbiddut ken saan a husto nga interpretasion a mabalin a mangpakaro iti sitwasion.
Nupay kasta, determinado ti Pilipinas a makabukel iti katulagan, agraman ti Code of Conduct, tapno mapakalma ti tension iti mapagin-innagawan a teritoryo.
Inamin pay ni Marcos a maysa kadagiti kadakkelan a pagam-amkanna ti posible a panagkamali ti maysa a suldado nga agtungpal iti nakaru a komprontasion.
-- ADVERTISEMENT --
