Inlawlawag ni Atty. Nicholas Kaufman, lead defense ni dati a Presidente Rodrigo Duterte a saan isuna a mabaybayadan ti “bags-bags” a kuwarta iti panangdepensa iti dati a presidente.
Daytoy ti nagbalin a pammasingked ni Kaufman iti maysa nga interview idiay Netherlands kalpasan a bisitaen na ni Duterte a nakaituding a selebraran ti maika-81 a panagkasangay ti dati a presidente inton Marso 28.
Inlawlawag ni Kaufman a saan isuna nga immawat iti dakkel a gatad ti kuwarta para iti serbisio iti kaso a crimes against humanity ni Duterte iti International Criminal Court.
Karaman ni Kaufman kadagiti pasahero a mapan idiay United Arab Emirates a na-stranded idiay Netherlands iti tengnga ti kanselasion ti flights manipud ken mapan idiay Middle East gapu iti agtultuloy nga airstrikes.
