--Ads--
Inlawlawag ti Department of Justice (DOJ) nga iyap-apelada pay laeng ti kaso ni Chinese businessman a ni Joseph Sy a naibilang nga Alice Guo 2.0.
Ti addang ket kasaruno iti panangiruar ti Taguig Regional Trial Court (RTC) ti release order para ken ni Sy a sumangsango ti deportation gapu iti panagpammarangna a Pilipino.
Inanamungan ti korte ti impila ti negosyante a petition for habeas corpus a panangkalikagum iti deportation-na.
Ngem kinuna ni Justice Secretary Jesus Crispin Remulla, agtultuloy iti panangapelada kangrunaan ta adu ti agdudua ti citizenship-na.
-- ADVERTISEMENT --
Kinunana a saan a gapu ta nabaknang ni Sy ket mabalinen nga aglabsing kadagiti linteg iti Pilipinas.
Agtaltalinaed iti kustodiya ti Bureau of Immigration (BI) ni Sy manipod August 21.
