VIGAN CITY – Umaboten ti dua ribo lima gasut dua pulo ket uppat iti kaso ti dengue ditoy probinsiya kas kinumpirmaran ni Dr. Carmeliza Singson, mangidaulo ti Provincial Health Office iti pannaki-uman kenkuana ti Bombo Radyo Vigan.
Ti nasao a bilang ket maibasar iti kaudian a rekord ti PHO agingga idi August 18 iti agdama a tawen.
Manipud iti nasao a bilang, pito a tattaon iti natay a ti naudi ket naggapu idiay ili ti Caoayan.
Ti kaaduan iti kaso ti dengue ket idiay ili ti Sta. Cruz ta immaboten ti tallo gasut siyam a pulo ket pito a sinaruno ti Candon City, San Juan, Vigan City, Sto. Domingo, Magsingal, Cabugao, Tagudin, Sinait ken Sta. Maria.
Gapu ti dayta, nainget iti palagip ti PHO, nangruna iti provincial government a masapul a pagtalinaeden iti nadalus a paraangan tapnu awan iti pagitlogan dagiti lamok a mangitunda ti sakit a dengue.
