Nangipla dagiti abogado ti Kingdom of Jesus Christ (KOJC) ti mosion iti korte tapno kiddawen a maiyakar ni televangelist Apollo Quiboloy iti kustodia ti Armed Forces of the Philippines (AFP) manipud iti national police.
Ti nasao nga addang ket maipapan iti kinatalged ni Quiboloy.
Namnamaen ni KOJC chief legal counsel Israelito Torreon nga aprubaran ti korte iti kiddawda uray la koma iti house arrest ta agtawenen iti pastor ti pitopulo ket uppat.
Innayon pay ni Torrean a nakasaganan ti leader ti KOJC a sumango ti korte.
Kabayatanna, saan nga inawat ti Department of National Defense (DND) ti kiddaw ti kampo ni Pastor Apollo Quiboloy a maibalud iti military facility imbes a ti PNP.
Inyunay-unay ni DND spokesperson Arsenio Andolong a saan nga usto nga ahensia ti pasilidad ti AFP para iti pannakakustodia dagiti suspek.
