Isingsingasing ti liderato ti Kamara ti gakat a mangiduron iti gobierno iti inisyatiba ken aksion no panawen ti panagngato ti presio ti produkto petrolyo gapu iti tension idiay Middle East.
Impila da Speaker Faustino “Bojie” G. Dy III ken House Majority Leader Ferdinand Alexander “Sandro” A. Marcos ti House Bill (HB) No. 8834, wenno ti KALINGA Act, gakat a mangted ti proteksion kadagiti Pilipino para iti naparpardas nga aksion kontra iti agtultuloy a panagngato ti presio ti langis.
Saan laeng a ti KALINGA Act kas emergency assistance measure ngem agserbi daytoy a national protection framework tapno mapadaras ken masigurado ti panangrisut ti gobierno no aggigiddan nga agpangato ti plete, taraon, kuryente ken dadduma pay a magatang gapu iti nangato a presio ti produkto petrolyo.
Segun ken ni Dy, ti KALINGA Act ket saan nga ayuda ngem proteksion a karaman daytoy ti Fuel Price Stabilization Component, Energy Supply, Security, Inventory Management Component, Targeted Assistance Component, Essential Goods and Logistics Stabilization Component, Micro, small and medium enterprises (MSMEs) Energy Relief and Business Continuity Component, Energy Conservation and Demand Reduction Component, ken ti Flexible Fiscal and Regulatory Measures Component.
