--Ads--
Umaboten iti 64 percent dagiti Pilipino a mangsupsuporta iti pannakaipasa ti linteg a mangiparit iti political dynasties iti pagilian, maibasar iti umuna a quarter ti 2026 Ulat ng Bayan survey ti Pulse Asia.
Naisayangkat ti survey manipud Pebrero 27 agingga Marso 2 babaen iti face-to-face interviews nationwide kadagiti 1,200 a respondent nga agtawen iti sangapulo ket walo agpangato.
64 percent ti umanamong iti pannakaipasa ti linteg, 17 percent ti saan nga umanamong idinto a 19 percent ti undecided wenno saan pay a makadesision.
Kadagiti mangsupsuporta wenno undecided, 76 percent ti mamati a nasken a maiparit iti national ken local government, idinto a 13 percent ti nagkuna a nasken laeng daytoy iti lokal a posision.
-- ADVERTISEMENT --
