VIGAN CITY – Pinasingkedan ni Provincial Director PCol. Wilson Doromal a nasaysayaat nu adda dagiti kameng ti media nu adda iti operasyon nga isayangkatda.
Iti pannaki-uman ti Bombo Radyo Vigan ken ni Doromal, nasaysayaat nu adda ti media iti operasyonda tapno makita iti husto ken panangsurotda iti operational plan ti pulis kasta payen a tapno makita nga awan iti maidadanes iti karbenganna.
Innayonna pay a ti pannakikammayet ti media kadagiti kameng ti pulisya ket tapno agbalin a balance iti amin nga operasyonda tapno maipakita iti husto nga impormasyon ken damage kadagiti agindeg iti probinsia.
Kabayatanna, kiddawna iti pannakitinnulong iti amin para iti nadaras a panagserbi iti umili kangrunaan ti sektor iti media, business, religious, youth, barangay para iti panagdur-as iti probinisa.
