--Ads--
Inlawlawag ni Mayor Jesus ‘Popoy’ Bueno nga awan ti mapaspasamak a black sand mining iti kabaybayan ti Santa.
Dayta ket kalpasan nga adda dagiti nangbabalaw a black sand mining ti gagem dagiti barko nga adda iti kabaybayan ti nasao nga ili.
Iti pannaki-uman ti Bombo Radyo Vigan ken ni Bueno, simmanglad laeng iti kabaybayan dagiti barko gapu iti madi a paniempo.
Nupay kasta, kinuna ti mayor nga adda permit ti Isla Verde iti ili para iti dredging nga inaprubaran ti Department of Environment and Natural Resources idi pay laeng 2014.
-- ADVERTISEMENT --
Kabayatanna, pinasingkedan met ni Petty Officer 2 Antonio Peleo Jr a nakamonitor ti Philippine Coast Guard Santa Substation no kaano a mabalinen nga agtuloy nga agdalyasat dagiti barko ken no ania ti gagarada.
