Ibilang a ‘welcome development’ ti Justice for Missing Sabungero Network ti pannakairuar ti warrant of arrest kontra ken ni Atong Ang.
Iti pannaki-uman ti Bombo Radyo Vigan ken ni Convenor Ted Lazaro, maragsakan ti pamilia dagiti missing sabungero ngem saanda pay unay a makampante gapu ta saan pay laeng a nakemmeg ni Ang.
Malaksid pay dayta iti panangnamnama dagiti nasao a pamilia a mairaman iti indictment ti Department of Justice dagiti tao a karaman iti Alpha list.
Ipampanawagan ti grupo a sumukon ni Ang ken gundawayanna ti oportunidad nga ipapaay kenkuana ti linteg tapno maikalintegan ti bagina.
Innayon ni Lazaro a saan a dehado ditoy ti nasao a negosiante ken mapapati a mastermind kadagiti missing sabungero gapu ta patienda a kabaelanna ti mangala kadagiti nalaing nga abogado.
Namnamaenda a ti isusuko ni Ang ket tapno maliklikanen ti ad-adda a riribuk, marugianen ti proseso ti linteg ken rummuar ti kinapudno.
