Makikamkammayet ti Department of Transportation ken Land Transportation Franchising and Regulatory Board kadagiti nadumaduma nga ahensia ti gobierno tapno mapadaras ti pannakaipaay ti ayuda para kadagiti driver ken operator.
Ti fuel subsidy ket tulong iti transport sector a nakaro a naapektaran iti big time oil price hike gapu iti rinnupak idiay Middle East.
Segun iti DOTr, saan a kasapulan a consolidated dagiti driver wenno operator tapno makaawat iti fuel subsidy.
Kayat ti gobierno nga agbalin nga inklusibo ti programa nangruna ta intero a sektor ti makapadpadas iti epekto ti panagpangina ti krudo, consolidated man wenno saan.
Manamnama a mairuar ti subsidiya iti kabiitan a panawen kas maisurot iti pammilin ni Presidente Ferdinand Marcos Jr a mapaalisto ti pannakaiwarasna.
