VIGAN CITY – Nainget iti maipapatungpal a lockdown idiay Italy ta adu iti pagannurutan iti gobierno kas pinasingkedan ni Bombo International Correspondent Michael Patron nga adda idiay Rome, Italy.
Ti pannakiuman ti Bombo Radyo Vigan kenni Patron, nu madanun ti alas sais iti rabii ket agsarran dagiti bar, cinema, restaurant ken hotel a pappapanan dagiti tattao.
Ti agdama, adun dagiti Pilipino a naapektaran iti lockdown ta dagiti pagtrabtrabahoan da a hotel ken bed and breakfact ket nagserra da pay laeng ta bassit dagiti customers da.
Saan a karaman dagiti babassit a pagtagilakoan wenno grocery kadagiti establisyimento nga agsarra nu alas sais ti rabii gapu ta adu dagiti kumamakam a mapan aggatang.
Inlawlawag na a ti atiddog a pila dagiti tattao kadagiti grocery ket saan a mangipasimudaag iti bassit a suplay dagiti magatang nu di limitado laeng dagiti mabalin a sumrek tapnu saan da nga agdudupudup nga isu pay iti posible a paka-alaan ti COVID-19.
