VIGAN CITY- Natay dagiti nagkalubbon ti motosiklo a da Rodel Talledo Pilor, agtawen ti tallo pulo ket uppat, naasawaan ,awanan trabaho ken taga Kimmalaba, Dolores, Abra ken Roland Lazara, agtawen ti uppat a pulo ket tallo, ken taga Barangay Cayapa, Lagangilang, Abra gapu iti panangtambang kadakuada dagiti saan a nabigbig a suspek idiay Barangay Kimmalaba, Dolores, Abra.
Segun ken ni Police senior Inspector Glen Daria, hepe ti Dolores municipal police station, agturongen iti provincial road dagiti biktima idi pinaltugan ida dagiti suspek iti namin-ado a daras a poun ti nakatayanda ket naala iti nakapasamakan ti krimen ti pito a basyo ti shotgun ken 2 a basyo ti m-16 rifle.
Patien ti Dolores- MPS a naplano ti pannambang ta naaramid ti krimen iti lugar nga awan ti tao ken kabalbalayan.
Pinatalgedan ni Daria a sumangsango ti kaso a murder ni Pilor gapu iti napasamak a pammatay idi 2016 ket imimbestigaran da no isu ti posible a motibo iti krimen.
Kabayatanna, naamuan a ni Lazara ket naikamang laeng idiay Abra ta isu ket tubo ti Samar, Leyte.
