--Ads--
Dinayaw ni Israeli Prime Minister Benjamin Netanyahu ti nagbalin a desisyon ni United States President Donald Trump a mangbomba kadagiti nuclear site ti Iran a Fordow, Netanz, ken Esfahan.
Segun ken ni Netanyahu, daytoy a desisyon ni Trump ket mangipakita iti pannakikaysana tapno malpasen ti panagar-ari ti inawaganna a ‘most dangerous regime’ ken pagilian nga adda iti delikado nga armasna.
Innayonna a ti liderato ni Trump ket nakaaramid iti historical decision a tungpal-biag a maimaldit iti pakasaritaan ti lubong.
Patienna a daytoy ti mangidalan iti kappia iti intero a Middle East ken kadagiti dadduma pay a pagilian.
-- ADVERTISEMENT --
Kabayatanna, nagyaman ni Netanyahu ken ni Trump gapu iti balligi a panangdadaelda kadagiti nuclear site ti Iran.
