--Ads--
Inaprubaran ti House of Representatives iti maikadua a panagbasa ti gakat nga Anti-Political Dynasty Act a gagemna nga iparit ti aggidan wenno agsasaruno a panagtakem dagiti agkakabagyan iti maymaysa a lugar.
Iti salinong ti House Bill No. 8389, saan a mabalin a tumaray wenno agserbi iti agpada a lokalidad ti agasawa wenno agkabagyan agingga iti second degree of consanguinity.
Karaman daytoy dagiti posision iti barangay, munisipiyo, siudad, probinsia ken distrito iti Kamara.
Indauloan da Speaker Faustino “Bojie” Dy III ken Majority Leader Sandro Marcos ti gakat a sinuportaran ti nasurok 170 nga agpampanday linteg.
-- ADVERTISEMENT --
