Agpada a nadunor dagiti nagkalugan iti motorsiklo kalpasan a nakadungparda iti maysa nga aso iti national highway idiay Barangay Sabuanan, Sta. Lucia, Ilocos Sur.
Ti nagmaneho iti Burgam motorcycle ket babai nga agtawen iti tallopulo ket maysa, security guard iti DFA Candon City ken agnaed idiay Barangay Barangobong, Sta. Lucia idinto a ti backride-na ket babai nga agtawen iti tallopulo ket maysa, merchandiser iti Stern Mall, Candon City nga agnaed idiay Barangay Palali Sur, Sta. Lucia.
Agpapaamnianan a direksyon ti motorsiklo idin nadanonna iti nasao a lugar ket kellaat a nagballasiw ti nawaya nga aso a gappuanan iti pannakadungparda.
Gapu dayta ket nagsakit iti bagbagi ti driver idinto a nadunor iti akin-kannigid a luppo ken saka ti driver isu nga agpadada a naipan iti Candon City Hospital para iti pannakatamingda.
